Ministrisa e Kulturës së Ukrainës ka raportuar se ushtria ruse qëlloi për vdekje dirigjentin Kherson, Yuriy Kerpatenko në shtëpinë e tij. Sipas njoftimit, një akt i tillë është ndërmarrë pasi Kerpatenko ka refuzuar të marrë pjesë në një koncert të organizuar në Kherson.
“Më 14 tetor u bë e ditur për vrasjen brutale të kryedirigjentit të Teatrit të Muzikës dhe Dramës Kherson me emrin Mykola Kulish. Pasi Yuriy Kerpatenko refuzoi të bashkëpunonte me pushtuesit, ushtria ruse e qëlloi për vdekje në shtëpinë e tij”, tha ministria në Facebook.
Sipas faqes së internetit Kherson.online, më 1 tetor, Dita Ndërkombëtare e Muzikës, pushtuesit, së bashku me bashkëpunëtorët e Filarmonisë, planifikuan një koncert festiv në Kherson me pjesëmarrjen e orkestrës së dhomës Hylaeus. Dirigjenti i orkestrës, Kerpatenko, refuzoi kategorikisht të bashkëpunonte me pushtuesit.
“Ne shprehim ngushëllimet tona më të thella për të afërmit dhe kolegët e Yuryi. Kujtimi i përjetshëm,” tha Ministria e Kulturës./m.j
