Nëse ditët e ngrohta ju motivojnë që të filloni të bëni kujdes në ushqim dhe ta sillni veten në formë, atëherë definitivisht do të duhej ta rrisni konsumin e ushqimeve të cilat do t’ju ndihmojnë në këtë.
Disa ushqime vërtet mund ta përshpejtojnë humbjen e peshës, sepse e përshpejtojnë metabolizmin dhe e nxisin trupin që t’i shpenzojë yndyrat e ruajtura.
Frutat agrume
Ato janë një burim i shkëlqyer i vitaminës C, e cila e përshpejton djegien e yndyrave. Në ditë ju nevojiten rreth 60 miligramë vitaminë C, por në qoftë se e rrisni konsumin në 500 miligramë, trupi gjatë ushtrimeve do t’i shpenzojë yndyrat madje 39 për qind më shpejt.
Manaferrat
Manaferrat janë një burim i shkëlqyer i fibrave. Sistemi juaj i tretjes punon më shumë kur e rrisni konsumin e fibrave, që do të thotë se do të shpenzojë më shumë kalori. Gjithashtu, vetë fibrat i lidhin yndyrat, kështu që ato përmes sistemit tuaj të tretjes do të kalojnë shumë më lehtë.
Proteinat e payndyrshme
Mishi i pulës, i viçit apo i gjeldetit janë të shkëlqyeshëm për përshpejtimin e metabolizmit dhe rritjen e shpenzimit të yndyrës. Studimet kanë treguar se rritja e konsumit të proteinave e zvogëlon konsumin ditor të kalorive. Vetëm bëni kujdes që t’i zgjidhni pjesët e payndyrshme të mishit.
Hudhra
Është vërtet çudibërëse. Forcon sistemin imunitar, mbron kundër plakjes së parakohshme dhe e zvogëlon rrezikun nga sëmundjet e ndryshme. Shtoni hudhër në dietën tuaj dhe do ta nxisni konsumin e kalorive gjatë gjithë ditës, madje edhe gjatë fazës së pushimit.
