Çmimet e konsumit kanë shënuar një rritje të dukshme në muajin tetor, duke e çuar normën e inflacionit në 2.1%.
Sipas raportit zyrtar të INSTAT, kontributi kryesor në këtë rritje është dhenë nga grupi “Ushqime dhe pije joalkoolike”.
Krahasuar me muajin Tetor 2015, çmimet e këtij grupi janë rritur me 3.1%.
Brenda grupit të ushqimeve çmimet e nëngrupit “fruta” u rritën me 10,5 %, pasuar nga nëngrupet “zarzavate përfshirë patatet“me 9,3 %, “sheqer, reçelna e ëmbëlsira” me 5,4 %.
Rritje të dukshme kanë shënuar edhe grupet “qumësht, djath e vezë”.
Ndërsa, ulja më e madhe e çmimeve vërehet në grupin “Transport” me 1,5 %, pasuar nga grupi “Shëndeti” me 0,5 %, etj.
Ndërkohë çmimet e grupit “Mallra dhe shërbime të ndryshme” janë rritur me 3 %, grupi “Pije alkoolike dhe duhan” me 1,6 %, grupet “Argëtim e kulturë” dhe “Veshje dhe këpucë” me nga 1,0 % secili.
shqiptarja.com/d.i.
