Duke nisur që nga ora 21:00 sonte do të zhvillohet në Vjenë gjysmëfinalja e parë e Eurovizionit të 60-të, ku midis 20 interpretuesve do të marrë pjesë edhe Elhaida Dani, e cila e përfaqëson Shqipërinë me këngën “I’m alive”.
Pjesëmarrja e këngëtares së talentuar shqiptare në këtë festival është duke u pritur me entuziazëm, pasi Dani është cilësuar si një nga pretendentet për të fituar këtë kompeticion muzikor.
Në provën gjenerale ajo ka mundur të tregojë të gjitha aftësitë e saj vokale duke shkëlqyer siç ka bërë në të gjitha eventet ku ka qenë pjesë, duke rrëmbyer duartrokitje dhe ovacione të shumta .
Edhe në ceremonisë hapëse të këtij kompeticioni Dani ka përfaqësuar mjaft mirë vendin tonë nëpërmjet paraqitjes së saj.
Dani do të këndojë e katërmbëdhjeta në natën e parë të këtij kompeticioni duke përfaqësuar kështu vendin tonë me këngën “I’am Alive”. Gjysmëfinalja e dytë do të mbahet të enjten, ndërsa dhjetë vendet-pjesëmarrëse nga dy gjysmëfinalet do të shkojnë për finalen e madhe të shtunën, kur do të zgjidhet kënga më e mirë në Evropë për këtë vit.
SI TË VOTOJMË:
Shqipëria konkuron e 14-a dhe ju mund të votoni vetëm pasi është kënduar edhe kënga e fundit.
Që nga ai moment keni vetëm 15 minuta kohë deri në çastin e mbylljes së votimit.
Vendet që mund të votojnë Elhaidën janë Moldavia, Armenia, Belgjika, Hollanda, Fiunlanda, Greqia, Estonia, Maqedonia, Serbia, Hungaria, Bjellorusia, Rusia, Danimarka, Romania, Gjeorgjia, Spanja, Austria, Franca dhe Australia.
Çoni Tv tuaj në TV publik të vendit ku jetoni dhe votoni me mesazh Numrin 14 në numrin q që do japi Eurovision
