Drejtori i policisë së Tiranës ka dërguar një shkresë komisariateve ku thuhet se personat të cilët janë përdorues të rregullt të dograve të forta për vepra penale të lehta duhet vetëm të shoqërohen dhe jo të arrestohen.
Lidhur me këtë në studion e lajmeve në MCN TV, Genc Muçollari, drejtori ekzekutiv i “Aksion Plus”, organizatë që merret me ndihmën e personave që duan të lënë konsumin e lëndëve narkotike deklaroi se urdhri është i drejtë, por që duhet të pasohet nga hapa të tjerë.
Ai tha se kodi penal duhet të rishihet në themel, ndërsa theksoi se ka përdorues droge që në moshën 13 vjeç dhe se sipas tij heroina është ajo drogë e cila krijon varësi fizike dhe psikologjike.
Urdhri është i drejtë e vlerësoj këtë hap por duhet të ishte bërë më parë, por kodi penal për drogat do një rishikim më të thellë. Mund të them se përdoruesit e drogës që kapen me doza të vogla nuk duhet të dënohen dhe praktika nga shtetet fqinje janë të tilla që një përdorues nuk shkon në gjykatë por del para një paneli ekspertësh dhe ai duhet të shkojë në terapi, shërbim prove etj etj. Shërbimi provës u bë disa vite që praktikohet dhe në Shqipëri, por se di sa afatgjatë mund të jetë ky urdhër por duhet të bëhet ligj. Shumica e tyre janë përdorues individual, por në rastin që s’kanë para për të blerë drogën, s’kanë punë, shfrytëzohen nga grupet kriminale, natyrisht që e çmoj shumë këtë hap por duhet të pasohet nga hapa të tjerë.
I pyetur nëse këta persona duhet të përballen me ligjin, apo duhet të trajtohen në qendra të caktuara për tu shkëputur nga droga, Meçollari tha se vetëm duke u futur në terapi përmirësohet jeta e tij individuale dhe shoqërore.
Në pjesën tjetër të rasteve janë një grup panelesh gjyqtar, prokuror , mjek specialist dhe më vjen mirë se dhe ne jemi ftuar si OJF për të dhënë një dënim të duhur apo mos dënim në këtë rast. Ata nuk janë kriminelë dhe parulla jonë është mbështet mos dëno. Nqs jemi një ishull atëherë dihet se do i mbarojnë burimet një ditë. Di që është dhe një qendër tjetër rrugës për në Elbasan që mund të rrish deri në 1 vit, por bën punën dhe bashkëpunon me ne. Por nuk shoh asnjë angazhim nga shteti sepse nëse s’ke investime këto qendra ose vdesin ose do funksionojnë në kapacitete shumë të vogla. Nqs nuk angazhohesh dhe dedikon lekë, gjithçka mbetet në letra dhe ne si OJF nuk shkojmë shumë larg.
Ndërsa lidhur me trajtimin me metadon ai sqaroi se në terapi me metadon jemi një nga rastet më të radha, nuk i themi një personi prit kur të dalë radha. Sipas tij kjo është gjë e mirë, por është në kurrizin e tyre pasi duhet ta bëjmë këtë gjë qoftë dhe për humanizëm por fondet po vijnë duke u ulur.
Përdoruesit marrin shërbim me metadon dhe për 2-3 ditë stabilizohen. Sot kishim dy funksionarë të policisë që erdhën dhe pyetën për këtë rast. Varet dhe nga motivi i personit vetë. Mund të kemi terapi afatshkurtra. Ka shumë persona që ikin dhe rikthehen por dhe kjo është arritje. Grupmoshat më të prekura janë ato nga 26-38 vjeç, por ka dhe 13-vjeçarë që kanë ardhur tek ne, që e kanë nisur direkt me heroinë. Nqs ti ke nisur njëlloj droge je i predispozuar për të kaluar tek drogat më të forta. Heroina është më e rënda dhe aty fillon dhe varësia psikologjike dhe fizike ndaj saj. Nga të gjitha shtresat i gjen aty tek ne, kështu që nuk është se kemi dallim, ajo funksionon si qendër me prag të ulët. Aty vijnë vullnetarë, studentë, miqtë tanë, ne japim terapi dhe në burgje.
/s.f
