Korridori 8 është një nyje që lidh Shqipërinë, Maqedoninë e Veriut, Greqinë dhe Bullgarinë. Është një projekt prioritar, me kantier në të gjithë gjatësinë e rrugës.
Gëzim Shkalla punon në Kantierin Xibrakës, dhe thotë se rruga është me shumë rëndësi për ta sepse hap vende pune.
“Moti ka punën e vet, nuk hahemi me te”, na thotë ndërkohë që punojnë në kushte të vështira atmosferike. Traseja është panoramike, Korridori 8 në Shqipëri shkon përgjatë rrjedhës së Shkumbinit.
Renald Toli, inxhinier në këtë kantier, na trego punimet në tunelin, 120 metra të gjatë, ku masive shkëmbore vështirësojnë punën. Tuneli i dytë do të jetë 330 metra.
“Shoferet të jenë me të durueshëm, shpresojmë ta mbyllim brenda vitit të ardhshëm”, na thotë.
Inxhinieri thotë se Shqipëria ka shume vende të bukura, por kjo grykë me dy nivele do jetë shumë atraktive.
Këtu do të jetë nyja e superstradës, aktualisht është në fazën e punimit të nënkalimit, në fshatin Mirake.
Kloent mjeshtri, një nga punëtorët na thotë se këtu punohet gjatë gjithë ditës, janë hapur vende ;punë për zonën, sigurojnë të ardhura, shton ai.
Xhevahir Kasani, na thotë se kjo është vepra më e madhe në zonë.
“Sa me shumë projekte, aq më mirë”, shton ai. Këtu janë punësuar një numër i madh i banorëve të zonës. Segmenti Qukes Qafë Plloce, është pjesë e autostradës panoramike, nga më të bukurat në rajon.
Koridori 8, përtej kufirit kalon në Strugë, Kërcove, Gostivar e Tetove. Autostrada prej 68 kilometrash në këtë pjesë përgjysmon distancën dhe do të ketë 6 korsi. Gurthemeli i autostradës është venë në Tetovë.
Pavarësisht nga paralajmërimet e qeverisë Mickoski për tí dhënë prioritet korridorit 10, puna këtu vazhdon, na thotë Ziadin Sela, ASH, deputet. “Eshtë një rrugë që lidh trojet shqiptare, nuk pati sukses tendenca për ti dhënë prioritet korridorit 10. Lajmi i mire është që ky korridor po vazhdon të ndërtohet. Lidh Detin e Zi me Detin Adriatik, shohim edhe interesin shqiptar,” na thotë Sela.
Deputeti thotë se Rruga e Kombit përjashtoi shqiptarët e RMV dhe se Rruga e Kombit duhet të quhet korridori 8.
“Jemi ne rruge te mbare për një ekonomi te përbashkët,” thekson Sela, duke nënvizuar se kur të bashkojmë kapacitetet do të jemi shumë më mirë.
