Senati akademik i Universitetit të Tiranës ka vendosur që të rrisë me 8% pagat e pedagogëve. Kujtojmë që qeveria vendosi rritjen me 15% të pagave të pedagogëve. Sipas vendimit të Këshillit të Ministrave, 7% të rritjes e mbulon buxheti i shtetit, ndërsa 8% vetë universitetet.
Më herët, pedagogët paralajmëruan se do të nisin grevën e urisë më 2 Nëntor.
Më 26 Tetor, Universiteti i Mjekësisë ka vendosur i pari që të rrisë pagat për pedagogët me fondet e veta. Në vendimin e datës 26 Tetor, Universiteti i Mjekësisë bën të qartë se rritja me 8% e pagave do mbulohet nga të ardhurat e vetë universitetit.
Kjo rritje vjen ndërkohë që universitete e pedagogë të tjerë vijojnë protestën ku kërkojnë rritje me 50% të pagës brenda dy vitesh. Por qeveria e ka konsideruar kërkesën e tyre të paarsyeshme.
/f.s
