Manchester United do t’i ofroj Jose Mourinhos një pagë prej 25 milion euro në sezon.
Drejtuesit e Manchester United-it janë të vendosur që trajner të ri të ekipit ta emërojnë Jose Mourinhon. Sipas tabloidit britanik, The Sun, ‘Djajtë e Kuq’ do ta bëjnë portugezin trajnerin më të paguar në botë.
Ekipi do t’i ofroj Jose Mourinhos një pagë prej 25 milion euro në sezon, përcjell Express. Kështu, për tre vite kontratë, ish trajneri i Realit, Interit dhe Chelseas pritet të përfitojë 75 milion euro.
Kurse, Pep Guardiola te Manchester City do të përfitoj rreth 19 milion euro, gjashtë më pak sesa ‘Special One’.
