Manchester Unitedi raportohet se ka ofruar 180 milionë euro për rikthimin e Cristiano Ronaldos në Old Trafford gjatë kësaj vere.
32-vjeçari i ndihmoi Real Madridit që të mbrojë titullin e Ligës së Kampionëve dhe theu rekordin e klubit për më së shumti gola të shënuara. Ai këtë sezon realizoi mbi 400 gola, për t’u bërë numri një me gola te klubi spanjoll.
Sipas të përditshmes portugeze “A Bola”, “Mbretërit” janë duke menduar seriozisht për ofertën prej 180 milionëve që ka arritur në klub. Këtë ofertë e ka bërë Jose Mourinho me Unitedin. Kjo gazetë raporton se përveç Unitedit interesim për yllin portugez kanë shprehur edhe Paris Saint-Germaini, Monaco dhe disa klube kineze.
Ronaldo vazhdoi kontratën në nëntorin e vitit të kaluar dhe presidenti i klubit Florentino Perez më parë ka thënë se as oferta prej 1 miliard eurove nuk do ta bindte për shitjen e yllit, përgatiti Koha. (b.an)
