Unioni i Gjyqtarëve ka ankimuar në Gjykatën Kushtetuese ligjin për statusin e gjyqtarëve. Ligji per statusin u dorëzua në Kushtetuese nga Gerd Hoxha dhe Erion Bani. Unioni i Gjyqtarëve i kërkon Gjykatës Kushtetuese pezullimin e ligjit, ndërsa rendisin edhe faktet që sipas tyre ligji shkel Kushtetutën.
“Cënohet parimi i sigurisë juridike lidhur me ndërprerjen e mandateve të kryetarit të Gjykatës së Lartë, por edhe rretheve, por Kushtetuta se lejon, në ligj ndërpritet, kjo cënon të drejtën e karrierës për gjyqtarët. Shpresojmë që Gjykata Kushtetuese të jetë në lartësinë e saj dhe të pezullojë ligjin” tha Gerd Hoxha.
Unioni i Gjyqtarëve deklaron se ligji i miratuar shkel edhe standardet e përcaktuara në opinionin final të Venecias. Ndërsa Erion Bani vazhdoi më tej duke u shprehur se ligji cënon pavarësinë e pushtetit gjyqësor dhe të drejtën e gjyqtarëve për t’u mbrojtur.
“Madje, përmes të këtij ligji cënohet parimi i vazhdimësisë institucionale, si rasti i KLD, pasi i ka kufizuar kompetencat për emërimet dhe shkarkimet e kryetarëve të gjykatave. Me funksionimin e KLGJ ndërpriten mandatet e kryetarëve të gjykatave duke cënuar parimet e sigurisë juridike“tha ai.
Unioni dhe PD bashke kunder Vetting
Pa mëdyshje tashmë mund të thuhet se ka një sulm të organizuar dhe të dirigjuar jo vetëm nga PD-ja, por edhe nga segmente të larta në kupolën drejtuese të sistemit të drejtësisë, për të zhbërë Reformën në Drejtësi. Pas PD-së, janë shfaqur kthjelltazi edhe gjyqtarët, ata të cilët, po tentojnë dëmtimin e Reformës, duke ankimuar në Gjykatën Kushtetuese jo vetëm Vetting-un, por tashmë edhe ligjin për “Statusin e Gjyqtarëve”, pjesë e paktës së Refomës në Drejtësi. Ligji për “Statusin e Gjyqtarëve dhe Prokurorëve në Republikën e Shqipërisë”, hyri në fuqi me datë 22 nëntor 2016. Hyrja në fuqi e këtij ligji, është shoqëruar me “ngrirjen” e funksioneve të Këshillit të Lartë të Drejtësisë, i cili nuk mund të emërojë, transferojë apo promovojë gjykatësit.
Në fakt këtu duhet kërkuar edhe arsyeja se përse gjyqtarët anti Reformë po kërkojnë shfuqizimin e ligjit për statusin e gjyqtarëve dhe prokurorëve. Kjo për faktin se KLD-ja e famshme e drejtuar nga Presidenti Nishani, në përbërje të të cilit ka edhe gjyqtarë të lakuar qartazi si të korruptuar, nuk mund të bëjë më emërime dhe transferime siç ka bërë deri më tani, ku në pjesën më të madhe këto emrime dhe transferime kanë qenë thjeshtë pazare dhe qoka politike.
Ajo që vihet qartazi është fakti se sulmet kundër Reformës në Drejtësi nuk janë aspak sporadike, por të mirëorganizuara dhe me regji politike. Gjyqtarët kanë marrë zemër edhe nga vendimi i Gjykatës Kushtetuese për të pezulluar zbatimin e vetting-ut, vendim ky që po mban peng vendin në negociatat mes Shqipërisë dhe BE-së. Qartazi Unioni i Gjyqtareve eshte tashme nje instrument politik qe po perdoret nga PD kunder reformes ne Drejtesi. Vete Unioni eshte pale e interesuar qe te mos kete Reforme, pasi ajo prek shume domene te sistemit te kriminalizuar te drejtesise ne Shqiperi.
Me. Ar
