Unioni Botëror i Dijetarëve Muslimanë, ka dënuar sulmin terrorist i cili kishte në shënjestër aeroportin ndërkombëtar Ataturk në Stamboll.
Sekretari i Përgjithshëm i këtij Unioni, Ali Karadaği në një deklaratë me shkrim theksoi se Turqia është vënë në qendër të disa sulmeve terroriste nga jashtë dhe brenda.
“Kushdo që e bën dhe e ndihmon, ky është një sulm terrorist”, thuhet në deklaratë dhe më pas i bëhet thirrje popullit turk të qëndrojë pranë qeverisë së Turqisë kundër atyre që synojnë të shembin politikën, ekonominë dhe shoqërinë e Turqisë, raporton AA, citon Zëri.
Duke dënuar ashpër sulmin Karadaği ngushulloi familjarët dhe të afërmit e personave që humbën jetën në këtë sulm si dhe iu uroi shërim të shpejtë të plagosurve. (b.an)
