Unaza, e cila besohet t’i përkiste Zhan d’Arc, pasi është mbajtur në Angli për gati gjashtë shekuj, do të jetë e ekspozuar këtë javë në panairin e Puy du Fou, kjo pasi objekti është blerë në fund të shkurtit nga Londra.
Puy du Fou, është panairi i dytë më i madh në Francë për objektet e rralla. Ai është i vendosur në perëndim të vendit, ndërsa autoritetet e tij kanë paguar për këtë unazë një shumë të madhe , gati 376,833 euro në ankandin e bërë me 26 shkurt, organizuar nga Shtëpia e Ankandeve (Auction Timeline) te Londrës.
Së fundmi, u konfirmua origjinaliteti i unazës prej një laboratori në Oxford. Ekspertiza me rrezet X tregoi se unaza përbën një objekt të shkëlqyeshëm argjendi, e cila daton nga shekulli XV. Që nga fillimi i marsit, falë këtij objekti ne Puy du Fou ka shkaktuar shumë interesim të mediave.
“Ne jemi vetëm në fillim të hulumtimit të objektit, pasi para nesh është një biznes i madh, por edhe një ditë e bukur, ” i tha Agence France Presse, Vanesa Supo, një nga ekspertet që kishin unazën në duart e saj dhe që konfirmoi praninë e gjurmëve të dukshme të arit në brendësi të saj.
Unaza përmban tre kryqe të gdhendur dhe mbishkrimin ” JHS-MAR ”, që do të thotë ‘Jezus-Mari’ Heroina e luftës njëqind vjeçare kishte tre unaza, njërën prej të cilave ka kërkuar për t’iu kthyer gjyshes, tjetrën të vëllait të saj, kurse Burgundasit i morën të tretën nga të cilët e përvetësuan anglezët me vone. Ndërsa dy unazat kanë humbur kjo mbijetoi.
Zhan d’Ark u dogj në turrën e druve më 1431 në Rouen.
Opinionet në lidhje me origjinën dhe identitetin e unazës janë ende të ndara. Menaxheri i Arkivit të Zhan D’Ark Olivier Buzi beson se unaza në të vërtetë tashmë gjendet në Francë, pasi ajo ishte blerë në vitin 1953 nga një mjek francez me origjinë angleze, James Hasson. Ky i fundit e paraqiti atë në një kishëz në juglindje të Francës. Ndërkohë, Muzeu Historik i Zhan D’Ark refuzoi të marrë pjesë në ankand, duke besuar se ky është një mashtrim i ri, por administrata e Muzeut ka bërë të ditur se edhe pse në këtë rast ka shumë dyshime, mrekullia nuk mund të mos jetë e pamundur.
