Ministri i Infrastrukturës dhe Energjetikës, Damian Gjiknuri ka deklaruar se kompania fituese në një nga lotet e projektit të “Unazës së Re” ka falsifikuar dokumentet dhe kjo është dokumentuar edhe nga autoritetet amerikane.
Bëhet fjalë për kompaninë DH Albania, e cila sipas tij ka falsifikuar dokumente jashtë territorit të Shqipërisë.
Gjiknuri siguroi shqiptarët se nuk kanë humbur asnjë lek, pasi kompania nuk është paguar nga buxheti i shtetit
“Kam komunikuar për të marrë. Nga përgjigjet e ardhura dje, se një pjesë e paraqitur nga DH nuk është e saktë , por e falsifikuar. Pas marrjes së këtij konfirmimin, ARRSH ka zgjidhur kontratën. Sot që flasim ARRSH ka bërë ndërprerjen e kontratës. Siguroj shqiptarët që buxheti i shtetit nuk ka asnjë humbje pasi nuk është bërë asnjë pagesë. Hapat e marra nga ARRSH për tenderimin kanë qënë në përputhje me legjislacionin. Dokumentat janë me vula të noterëve në SHBA,”– u shpreh Gjiknuri
Ministri theksoi se çështja i ka kaluar Prokurorisë shqiptare për të ndjekur të gjitha rrugë ligjore dhe përgjegjësit të marrin përgjigjen po në hapa të tillë.
“Materialet do t’i referohen prokurorisë shqiptare. Të njëjtën praktikë ka ndjekur edhe OST. Kontratat nuk ka nisur të zbatohet. Dua të them se falsifikimi i dokumenteve është bërë jashtë territorit të Shqipërisë”, shtoi ai.
a.çupaj
