Respeeekt! Sacha Baron Cohen, krijuesi i personazheve Ali G dhe Borat ka hyrë për herë të parë në Sunday Times Rich List, lista e të pasurve nga Sunday Times.
Aktori 44-vjeçar dhe gruaja e tij, aktorja Isla Fisher, 40 vjeç, kanë një pasuri 104 milionë sterlina.
Një tjetër aktor debutues është Mike Myers, me 105 milionë sterlina pasuri. Krijues i spiunit Austin Powers është kanadez, por ka edhe nënshtetësi amerikane e britanike, ndaj është përfshirë në listë.
Sportisti më i pasur i Britanisë është Lewis Hamilton, me 106 mijë paund, duke u renditur në vendin e 931-të.
Adele është konfirmuar si muzikania më e pasur britanike, duke dyfishuar të ardhurat në 85 milionë nga 35 milionë paund vitin e kaluar.
Ndërkaq, super të pasurit e Britanisë kanë pësuar humbje të mëdha që nga kriza financiare, me Lakshmi Mittal që ka humbur treçerekun e pasurisë.
Nga pasuria rekord prej 27.7 miliardë paund, ai dhe familja e tij tani kanë “vetëm” 7.12 miliardë. Kompania e çelikut me bazë në Luksemburg, e cila drejtohet nga familja e tij, vitin e kaluar humbi 5.5 miliardë paund.
Njeriu më i pasur i Britanisë për vitin e kaluar, manjati ukrainas Len Blavatnik, ka humbur 12 përqind të pasurisë dhe tani ka 11.59 miliardë.
Në krye të listës për këtë vit janë vëllezërit David e Simon Reuben, manjatët e pronave të patundshme, të cilët zotërojnë Millbank Tower dhe selinë e John Lewis në Londër.
Ata zotërojnë gjithashtu London Oxford Airport dhe London Heliport. Simon e nisi me import qilimash dhe me blerje pronash, ndërsa David me tregti metalesh, para se të hynin në investime pronash.
Pasuria e tyre llogaritet në 13.1 miliardë paund, 3.4 miliardë më tepër se vitin e kaluar.
Pas tyre vijnë vëllezërit Sri dhe Gopi Hinduja, të cilët drejtojnë Hinduja Group, me pasurinë e pandryshuar prej 13 miliardë paund.
Dhjetë më të pasurit për 2016
David e Simon Reuben, £13.1 miliardë
Sri e Gopi Hinduja, £13 miliardë
Len Blavatnik £11.59 miliardë
Galen e George Weston dhe familja, £11 miliardë
Ernesto e Kirsty Bertarelli, £9.35 miliardë
Duka i Westminster, £9.35 miliardë
Charlene de Carvalho-Heineken e Michel de Carvalho, £9.15 miliardë Kirsten e Jorn Rausing, £8.7 miliardë
Hans Rausing e family, £8.6 miliardë
Alisher Usmanov, £7.58 miliardë
