Inspektorati Vendor i Mbrojtjes së Territorit në bashkëpunim me Policinë Bashkiake në Pogradec kanë nisur punën për lirimin e hapësirave publike të zëna në mënyrë të paligjshme nga subjektet dhe bizneset, kryesisht bar-kafe dhe restorante.
Operacioni ka nisur nga Bulevardi “Europa” dhe do të shtrihet në çdo rrugë dhe rrugicë të qytetit, në zbatim të urdhrit të dhënë nga Kryeministri Edi Rama.
Qëllimi i këtij aksioni është kthimi i trotuareve dhe hapësirave publike në funksion të qytetarëve.
