Festa e 1 Majit ka shënuar fluksin e parë dhe të madh të mysafirëve në qytetin e Ulqinit ku edhe kësaj here dominojnë ato nga Kosova.
Në pikën kufitare të Sukubinës, numri i madh i automjeteve me targa nga Kosova tregon se edhe këtë vit mysafirët e parë dhe të përhershëm janë nga shteti më i ri në Ballkan.
Radhët janë të gjata edhe deri në 2 kilometra, ku pritjet janë nga 40 minuta deri në 1 orë e gjysmë.Është vështirë të flitet me numra, por mendohet që në Ulqin për momentin janë mbi 16 mijë mysafirë, raporton “TV Teuta”.
Për shqiptarët nga Kosova, Ulqini mbetet qyteti i tyre i preferuar për të kaluar qoftë edhe një ditë. (b.an)
