Holanda planifikon të mbyllë pesë burgje, çka do të sjellë edhe humbjen e 1900 vendeve të punës. Ulja e kriminalitetit me një mesatare prej 0,9% vitet e fundit sjell zbrazjen e 3000 qelive në burgje dhe 300 në burgjet për të rinj.
Ministri i drejtësisë i Holandës, Ard Van Der Stor, ka deklaruar që gjykatësit kanë dhënë dënime më të shkurtra, prandaj kriminelët kanë kaluar më pak kohë në qeli. Përveç kësaj, veprat e rënda penale janë më të rralla.
Vitin e kaluar Holanda mori vendim për mbylljen e 19 burgjeve, duke deklaruar se nuk do të kishte mbyllje të tjera. Por, Ministri i Drejtësisë thotë që këto qeli të zbrazëta kushtojnë shtrenjtë për shtetin. Qeveria holandeze ka arsyetuar një pjesë të shpenzimeve duke pranuar të burgosur nga shtete tjera.
