Një sulm kibernetik, që kishte vënë në shënjestër rrjetin elektrik ukrainas shkaktoi një ndërprerje të energjisë elektrike në pjesën perëndimore të saj në fund të muajit dhjetor, bëri sot të ditur për median, shoqëria e sigurisë informatike ESET si dhe disa burime lokale.
“Ky është rasti i parë i shënuar në botë”, njoftuan ekipet e ESET Francë.
“Virusi ishte futur me anë të një teknike me postë, që përmbante një dokument Exceli të infektuar”, sqaroi ESET, i cili zbuloi sulmin ndërsa ekipet e tij të punës po monitoronin virusin prej disa muajsh.
”Më 23 dhjetor, një pjesë e madhe e rajonit Ivano-Frankivsk, në perëndim të Ukrainës u zhyt për disa orë në errësirë”, bëri të ditur kompania lokale e energjisë elektrike ”Prikarpattiaoblenergo”.
”Ky defekt u shkaktua nga ndërhyrja e personave të paautorizuar në sistemin e komandimit në distancë dhe teknikëve u është dashur të lidhin manualisht energjinë elektrike”, kishte sqaruar më tej shoqëria.
