Të paktën 24 persona kanë vdekur gjatë 24 orëve të fundit në lindje të Ukrainës, ku rebelët prorusë kanë filluar një ofensivë të re në shkallë të gjerë në Marinka, rreth 20 kilometra larg Donetskut, sipas bilancit të autoriteteve ukrainase dhe të separatistëve.
”Të paktën 14 rebelë dhe pesë civilë janë vrarë në rajon për shkak të dhunës së armatosur”, tha përfaqësuesi i Republikës së vetëshpallur të Donetskut, Eduard Basurin, i cituar nga agjencia zyrtare e lajmeve e separatistëve.
”Në ndërkohë, pesë ushtarë janë vrarë atje”, deklaroi nga ana e tij Juri Biriukov, këshilltar i presidentit ukrainas, Petro Poroshenko./
