Gjykata e Arbitrazhti Sportiv shfuqizoi vendimin e UEFA-s që i dha tri pikë Serbisë, duke ia dhuruar fitoren Shqipërisë me rezultat zyrtar 0-3.
Në komunikatën e lëshuar nga UEFA nuk ka ndonjë reagim, por theksohet se Shqipëria tani ndodhet në vendin e dytë të Grupit I me 10 pikë të grumbulluara.
“Dueli në Beograd më 14 tetor 2014 u ndërpre dhe Komisioni Disiplinor i UEFA-s e kishte vendosur me rezultat 3-0 për Serbinë, por që u penalizua me tri pikë. Organi i Apelit në UEFA e konfirmoi vendimin më 3 dhjetor 2014. Por, Gjykata e Arbitrazhit për Sport më 10 korrik 2014 e shfuqizoi atë, duke ia dhuruar Shqipërisë fitoren me rezultat 0-3 që i ka ngritur ata në pozitën e dytë në Grupin I me 10 pikë”, shkruhet në njoftimin e UEFA-s.
