Sipas të dhënave të bëra publike nga INSTAT, shqiptarët udhëtojnë më së shumti me mjete tokësore. Të dhënat tregojnë se tremujori i tretë i vitit 2015, sezoni veror, pati një total daljesh nga Shqipëria prej 1.171.409 personash.
Edhe agjencitë turistike e konfirmojnë këtë fakt, duke treguar se dy vitet e fundit kjo tendencë ka ardhur duke u rritur. Burime pranë ATHS tregojnë për Monitor se shqiptarët zgjedhin gjithnjë e më tepër destinacione që mund të arrihen me tokë për dy arsye: të vizituarit e më shumë shteteve dhe kosto më e lirë krahasuar me udhëtimet me avion. Megjithatë, edhe kjo e fundit përbën një nga format e frekuentuara për udhëtimet.
Ndërsa forma e udhëtimit përmes detit bie në sy që përdoret kryesisht në sezonin e verës, ku dhe shifrat tregojnë për dalje më të mëdha në numër.