Beteja teknologjike midis Shteteve të Bashkuara të Amerikës dhe Kinës ndez një kapitull të rëndësishëm në luftën tregtare midis dy superfuqive ekonomike.
Përveç Huawei-t,në shënjestrën amerikane është vënë edhe projekti ambicioz për instalimin e një kablloje nëndet mes dy vendeve , një projekt që administrata Trump kërcënon ta bllokojë bazuar në shqetësimet e sigurisë kombëtare.
“Pacific Light” është një iniciativë e Google, Facebook dhe kompanisë kineze Dr. Peng Telecom & Media Group. Refuzimi i tij i mundshëm, sipas Wall Street Journal, do të ishte i pari në historinë amerikane bazuar në sigurinë kombëtare, dhe do të sinjalizonte një shtrëngim të autoriteteve amerikane për projekte në lidhje me Kinën ose me partnerët kinezë.
Uashingtoni është i shqetësuar për faktin se Dr Keng Peng, operatori i katërt më i madh i telekomunikacionit ka lidhje me qeverinë kineze dhe me Huawei, raportuar në faqen e internetit të kompanisë si partner.
Mbështetësit e iniciativës besojnë se kablloja e re do të detyrojë SHBA për më shumë kontroll mbi rrjedhën e të dhënave pasi autoritetet mund të detyrojnë kompanitë të pranojnë disa kushte për të mbrojtur sigurinë.
/a.r
