Uashingtoni dënon fuqishëm atentatin terrorist që ndodhi sot në zemër të Stambollit, ku humbën jetën katër persona dhe u plagosën 20 të tjerë, ku tre në gjendje të rëndë dhe shpreh ngushëllimet e tij ndaj familjeve të viktimave.
“SHBA-ja solidarizohet me aleatin e saj turk në NATO që lufton kërcënimin e përbashkët të terrorizmit”, deklaroi zëdhënësi i departamentit të Shtetit, John Kirby, në një komunikatë.
“Ky atentat i dhunshëm është i fundit i një serie atentatesh të përgjakshme të pajustifikuar që prekin civilë të pafajshëm në të gjithë Turqinë”, vazhdoi Kirby duke theksuar se SHBA-ja do të qëndrojë në kontakt të ngushtë me autoritetet turke gjatë hetimit.
