Daja i Nexhip Vrenezit, djalit 20-vjeçar që humbi jetën nga sulmi terrorist në Vjenë, Gajur Kaba, ka folur nga Struga për ngjarjen e trishtueshme.
Ai tregon për News24 se nipi i tij kishte dalë me shokët në një shesh të Vjenës, në momentin kur u qëlluan nga terroristët.
“Kishte dalë në një shëtitje me shokët. Ai ka lindur dhe është rritur në Vjenë, dhe mbeti viktimë. Ne ngjarjen e mësuam të nesërmen në mëngjes, të martën në mëngjes pas sulmit.
Familjarët u lajmëruan nga shokët e tij gjermanë atje. Ata e kanë ndjekur lajmin tërë kohën por nuk e dinin që djali të ishte viktimë e asaj ngjarjeje. Një nga shokët lajmëroi vëllain e Nexhipit, familja më pas ka shkuar në degët e policisë ku ka kërkuar sqarim se ata i thanë në fillim është i plagosur më pas nga plagët nuk mbijetoi.
Ai u vra mu në qendër, aty rrinte rinia, atentatori goditi aty. Plumbat e kapën në gjoks”, tha Kaba.
g.kosovari
