Avokati Ilir Nikolla ka zyrtarizuar ditën e sotme kandidaturën për kryetar të Bashkisë Sarandë në zgjedhjet e 30 qershorit
Në një komunikim për Report Tv, Ilir Nikolla ka pohuar se ditën e sotme ka bërë regjistrimin e kandidaturës si kandidat i pavarur pranë KZAZ Sarandë.
Pak kohë më parë kryetari i partisë Agrare Ambientaliste Agron Duka ishte shprehur se Ilir Nikolla do të jetë kandidati i kësaj partie për Sarandën edhe nëse Partia Demokratike vendos të dali në zgjedhje me kandidat tjetër.
Largimi i Ilir Nikollës nga PD erdhi pas heqjes të tij si kandidat për kryetarin e degës së PD Saranda në mënyrë të çuditshme nga Lulzim Basha.
Partia Socialiste ende nuk e ka zyrtarizuar kandidatin për Sarandën, ndërsa opozita është shprehur e vendosur për bllokimin e zgjedhjeve nëse nuk bëhen sipas tre kushteve të saj, mes tyre largimin e Ramës.
/a.rada
