Detaje të reja janë zbardhur nga aksidenti me vdekje që ka ndodhur pasditen e sotme në aksin rrugor Berat-Poshnje.
Bëhet me dije se si pasojë e këtij aksidenti janë përfshirë dy automjete dhe këmbësori që humbi jetën.
Policia në njoftimin zyrtar njofton se shtetasi A.N., duke drejtuar automjetin ka goditur me pasqyrë këmbësorin shtetasin K.R., 56 vjeç, i cili është rrëzuar në rrugë.
Më pas shtetasja E.Z., duke drejtuar automjetin tip “Benz”, e ka shtypur shtetasin K.R., i cili ka humbur jetën.
Policia është në vendin e ngjarjes dhe po punon për zbardhjen e shkaqeve.
Informacion paraprak
Sot rreth orës 18:00, në aksin Rrugor, Berat-Poshnje, në fshatin Moravë, shtetasi A.N., duke drejtuar automjetin ka goditur me pasqyrë këmbësorin shtetasin K.R., 56 vjeç, i cili është rrëzuar në rrugë.
Më pas shtetasja E.Z., duke drejtuar automjetin tip “Benz”, e ka shtypur shtetasin K.R., i cili ka humbur jetën.
Grupi hetimor po punon për zbardhjen e rrethanave të aksidentit./m.j
