Ky është 25-vjeçari që u qëllua për vdekje mbrëmjen e djeshme nga një efektiv policia në Tiranë. Klodjan Rasha u qëllua në rrugën Dritan Hoxha, ndërkohë që nuk iu bind urdhrit të policisë për të ndaluar.
25 vjeçari ka qenë më parë i dënuar për plagosje të lehtë me dashje dhe për heqje të paligjshme të lirisë në vitin 2016. Po ashtu ai njihej edhe si person problematik.
Në vendin e ngjarjes është gjetur një pistoletë, që i përket viktimës i cili e ka hedhur në tokë në momentin e fundit. I riu është qëlluar pasi nuk i është bindur urdhrit dhe ka kanosur me sende te forta policin. Ngjarja ndodhi rreth orës 01:45, gjatë patrullimit në rrugën “Dritan Hoxha”.
g.kosovari
