Gjykata e Posaçme kundër Korrupsionit dhe Krimit të Organizuar ka rrëzuar për të disatën herë kërkesën e mjekut Edvin Prifti për ndryshimin e masës së sigurisë pezullim nga detyra.
Aktualisht, kardiokirurgu Prifti është nën hetim nga SPAK nën dyshimet se ka abuzuar me tenderët në qendrën Spitalore Universitare Nënë Tereza, çka ka gjasa të zgjerojë rrethin e bluzave të bardha apo zyrtarëve të tjerë të përfshirë në veprimtari kriminale.
Kardiokirurgu është nën hetim prej muajsh, për korrupsion e pastrim parash, pasi ra në rrjetën e përgjimeve, teksa Prokuroria hetonte rastet e korrupsionit në Gjykatën e Krujës, ku sekretarja e këtij institucioni fliste për ryshfet për operacionin e nënës.
Mjeku u pezullua fillimisht nga ushtrimi i profesionit, por gjatë kontrollit në shtëpi e zyrë iu gjetën gjysmë milioni euro, prej nga u ngritën dyshime edhe për vepra të tjera penale.
g.kosovari
