Emri i ish-deputetit të Partisë Socialiste Arben Ndoka u përfol sot në media për përfshirje në rastin e dhunimit të një punonjësi të Tatimeve në Lezhë.
Pasi lajmi u përhap me shpejtësi, deputeti që hoqi dorë nga mandati, por mesa duket jo nga politika, pasi sërish angazhohet me Partinë Socialiste, ka bërë publike një video që flet për një version tjetër të historisë. Sipas Arben Ndokës, Klodiani Zusit, punonjës i Tatimeve, i kishte rënë të fikët, dhe si mik i vjetër i tij kishte shkuar ta vizitonte në spital.
Në video, Arben Ndoka ja ka lënë fjalën vetë Klodianit, personit që u përfol në media se ishte rrahur prej ish-deputetit.
“Partia Demokratike paska informuar disa media se unë paskam dhunuar punonjësin e tatimeve, Klodian Zusi. Një gënjeshtër e ulët, të cilin këto pak media e paskan besuar dhe nuk e paskan marrë mundimin ta verifikojnë, por kanë nxituar ta botojnë.Klodiani është një mik i mirë i imi dhe në këto momente jam pranë tij në spital.Ka vetëm një të vërtetë: e kam takuar Klodianin përpara se të kishte probleme shëndetësore gjatë një vizite pranë institucionit ku ai punon.Pasi mbarova punë në institucion, në dalje më thanë se Klodianit i kishte rënë të fikët për shkak të një sëmundjeje kronike që ai ka.Kam ofruar gatishmërinë time për ta çuar në spital, por ambulanca nuk vonoi.S’kam ç’të them më shumë për këtë shpifje të ulët, veçse të të uroj ty shërim të shpejtë, i dashur Klodian.Ethet elektorale dhe dëshpërimi i thellë i humbjes së qartë e kanë bërë PD-në të gjejë fabula të denja për haluciacionistë”, shprehet Arben Ndoka në një reagim të tijin.
Ndërkohë më herët edhe Drejtoria e Tatimeve të Lezhës përgnjeshtroi lajmin se në ambientet e këtij institucioni të ketë pasur dhunë.
“Ish deputeti-Arben Ndoka ka qenë sot në ambientet e brendshme të administratës tatimore, si qytetar i Lezhës, ka marrë shërbimet e kërkuara dhe është larguar qetësisht. Nuk ka cënuar aspak, as mbarëvajtjen e punës në institucion as ka kryer veprime të dhunshme ndaj asnjë punonjësi tatimor. Ju faleminderit të gjithëve dhe iu uroj një dite të mbare në vazhdim”, thuhet në regimin e drejtorisë së Tatimeve”, thuhet në reagimin e Tatimeve./b.d.
