Është gjetur makina e 35-vjeçarit, Albi Bashaliu i cili u vra mëngjesin e djeshëm në Peqin. Nga informacionet e para, bëhet me dije se makina e viktimës është gjetur në Gocaj të Kavajës. Me këtë makinë dyshohet se autorët kanë mundur të largohen nga vendi i ngjarjes ku ekzekutuan 35-vjeçarin.
Pas vrasjes së të riut autorëve i kanë marrë çelësat e makinës dhe janë larguar, ndërsa makinën e tyre e kanë djegur vetëm pak metra larg viktimës. Ndërkohë në Gocaj të Kavajës makina e viktimës është gjetur e pa djegur ndërsa brenda saj nga kontrollet paraprake nuk janë gjetur armë.
Policia po heton lidhur me këtë ngjarje të rëndë për të gjetur prova dhe për të identifikuar autorët.
NGJARJA
Bashaliu kishte shkuar në lokalin e fshatit paraditen e djeshme, duke konsumuar kafen e mëngjesit. Sapo ka dalë nga lokali rreth orës 08:39 minuta, është qëlluar me armë zjarri. Viktima ka ndërruar jetë në vendin e ngjarjes si pasojë e plagëve të marra.
Krimi i rëndë, sipas burimeve, dyshohet të jetë kryer me një armë me silenciator, pasi banorët e lagjes nuk kanë dëgjuar asnjë krismë. Kjo ka bërë që forcat e rendit të shkonin me vonesë në vendin e krimit, çka u ka dhënë kohë të mjaftueshme autorëve të largohen pa gjurmë.
Grupi hetimor, nën drejtimin e Prokurorisë, vijon punën për zbardhjen e rrethanave të ngjarjes dhe sekuestrimin e çdo prove të mundshme materiale që shërben për identifikimin e autorëve.
g.kosovari
