Plot 19 persona me shtetësi shqiptare janë prangosur në Itali. Policia e vendit fqinj ka shkatërruar kështu një bandë që merrej kryesisht me prostituimin e femrave nga Evropa Lindore.
Mediat italiane raportojnë për një operacion të përbashkët me Shqipërinë. Aktiviteti i bandës në fjalë ishte i fokusuar kryesisht në Rimin, Milano, Monza, por edhe në Tiranë.
Sipas hetimeve, vajzat josheshin duke u ofruar punë në Itali, por në fakt më pas nxirreshin në rrugë.
