Jeta e një vajze adoleshente u ndërpre në mes të shtunën për shkak të një gare në rrugë në Montreal të Kanadasë.
15-vjeçarja Veronika Gashi (djathtas) humbi jetën të shtunën në mbrëmje pasi automjeti i pa lëvizur në të cilin ndodhej (vetura gri) u godit gjatë një gare në rrugë.
“Unë provova gjithçka për ta shpëtuar atë,” pëshpëriti me një zë të thyer Charbel Saliba, shofer i makinës në të cilën ishte viktima e re e moshës 15 vjeçare. Dyshja ishte ndalur në autostradë për ndihmuar dy shoferët e përfshirë në një aksident që ndodhi para tyre.
Disa orë më parë, në fund të ndërrimit të saj në Tim Hortons, adoleshentja nga Candiac kishte rënë dakord të shkonte në një takim të automjeteve të modifikuara me mikun e saj më të mirë, një entuziast i madh i makinave.
E përshkruar si një vajzë studioze dhe që nuk i pëlqenin festat, Veronika ishte në vendin dhe kohën e gabuar.
“Charbel kishte zbritur nga automjeti për të parë dhe ai i kishte thënë Veronikës që të qëndronte në makinë sepse ishte më e sigurt”, thotë Adriana Scilifos.
Sidoqoftë, rreth orës 18:30, Ford Fusion që u godit dhunshëm shpërtheu në flakë. Shoferi kishte arritur të nxirrte 15 vjeçaren.
Gruaja e re u shpall e vdekur kur mbërriti në spital, lajm që kishte efektin e një bombe në këtë familje emigrante shqiptare shkruajnë mediat vendase.
“Ajo u largua kaq herët për të shkuar në punë të shtunën në mëngjes, saqë unë nuk pata kohë t’i përshëndes”, thotë e trishtuar motra e saj, Laura Gashi.
g.kosovari
