Gazetari Elton Qyno i cili mbulon sektorin e Prokurorisë dhe aktualitetit u mor në pyetje për rreth 8 orë më 13 dhjetor në ambientet e SPAK.
Qyno tha se ka publikuar materiale, por të përpunuara. Sipas tij prokuroria e cilësonte materialin si sensitiv, i cili ishte ende në hetim. Qyno tha se u mbaj i mbyllur në një dhomë me derën mbyllur si të ishte ai krimineli.
Sipas gazetarit, atij i është kërkuar që t’i kontrollohet telefoni dhe nga banesa i janë marrë sende personale. Sipas Qynos, prokuroria donte të dinte burimin e informacionit, e shtoi se është bindur tashmë se duhet të ndalonte publikimin e materialeve.
Zbërthimi i bisedave në aplikacionin Sky ECC pritet që të zbardhë shumë ngjarje të rënda kriminale. Gazetari Elton Qyno në emisionin ‘Repolitix’ në Report Tv, tha se bisedat janë shumë të egra ku njerëzit mendojnë vetëm për gjak.
‘Bisedat janë mjaft të egra ku njerëzit mendojnë vetëm për gjak. Janë biseda të vitit 2019 dhe 2021. Padyshim nëse do të ketë vullnet dhe punë për të çuar deri në fund aty të paktën nga kjo periudha nuk mbetet krim pa u zbardhur nëse është bërë.’- tha Qyno.
/f.s
