Specialistët për Krimin Ekonomik e Financiar në Drejtorinë e Policisë së Qarkut Elbasan kanë bërë ekzekutimin e urdhërit të ndalimit të lëshuar nga Gjykata e Rrethit Gjyqësor Elbasan e cila ka caktuar masën e sigurisë “Arrest me burg” për Oltion Toci, vjeç 34, banues në Elbasan. Sipas policisë 34 vjeçari, në rolin e sekserit për një periudhë kohe 6 mujore , në bashkëpunim me shtetasin B.K vjeç 35, banues në Elbasan, i shpallur në kërkim, ka ushtruar ndikim të paligjshëm kundrejt përfitimit tek stafi Akademik në Universitetin “Aleksandër Xhuvani” në Elbasan, gjatë zhvillimit të provimeve të studenteve, të cilet kërkonin një note kaluese ose një notë më të mirë .
Në këmbim të këtyre favoreve që kërkonin studentet Oltion Toci u kërkonte atyre nje pagese qe varjonte nga 13.000 deri në 15.000 lekë të reja për çdo provim, i cili e kishte te mirëorganizuar këtë skemë korruptive, të kryer në bashkëpunim me persona të tjerë.
Sakaq, vazhdon puna për identifikimin e personave të tjerë të implikuar në këtë aktivitet kriminal.
Materialet i’u kaluan Prokurorisë së Rrethit Gjyqësor Elbasan për veprime të mëtejshme për veprën penale “Korrupsioni pasiv i personave që ushtrojnë funksione publike” si dhe “Ushtrimi i ndikimit të paligjshëm ndaj personave që ushtrojnë funksione publike, e kryer në bashkëpunim”.
