Jemi mësuar deri më tani që të dëgjojmë arrestime të shqiptarëve me qëllim ekstradimin drejt Italisë dhe vendeve të tjera fqinje, ku ata janë dënuar për vepra të ndryshme penale.
Por rasti i fundit, ka të bëjë pikërisht me të kundërtën, e thënë me pak fjalë, arrestimin e një biznesmeni italian me qëllim ekstradimin e tij për në Shqipëri.
Lajmi bëhet i ditur nga mediat italiane, të cilat theksojnë se autoritetet kanë arrestuar një 70 vjeçar, i cili është shpallur fajtor për mashtrim kundrejt një ndërmarrjeje ndërtimi shqiptare.
Shtetasi italian, emri i të cilit nuk bëhet i ditur ende, mësohet se ka punuar për llogari të kompanisë shqiptare, por pa paguar punëtorët e punësuar në vend.
Një fakt për të cilin gjykata e Republikës së Shqipërisë e ka dënuar atë në vitin 2016 me një dënim me tetë muaj burg për veprën penale “Mashtrim”.
Pas urdhër-arrestitit të lëshuar nga autoritetet shqiptare, partnerët italianë janë vënë në lëvizje dhe kanë vënë në pranga 70 vjeçarin, për qëllim ekstradmi në vendin tonë.
Ai u arrestua dje në mëngjes, në një hotel në Sassuolo, ndërsa pritet të ekstradohet në ditët e ardhshme drejt Shqipërisë për të vuajtur dënimin dhe për t’u përballur me akuzat.
a.ç
