Arrestohet nga policia Kristian Deda 41 vjeç. Ai ishte kthyer nga autoritetet e vendit fqinj, pasi kishte përfunduar dënimin me 17 vite burg për vrasjen e një italiani. Por gjatë gjatë intervistimit në Rinas janë krijuar dyshime për gjeneralitetet.
Nga hetimi u zbulua se emri i vërtetë i Kristian Dedës ishte Agron Lleshaj, ndërsa ishte përfshirë edhe në një tjetër ngjarje në vitin 2000 në Shqipëri me pasojë vdekjen e një personi, ndërsa ishte dënuar me 18 vite burg në mungesë në vitin 2001.
Më datë 09.04.2000 në aksin nacional Tiranë – Laç, në vendin e quajtur Ura e Drojes, në bashkëpunim me G. D. të maskuar dhe nën kërcënimin e armës, në tentativë për ta vjedhur, kanë plagosur shtetasin G.G., i cili më pas ka gjetur vdekjen. Ai akuzohet për tre vepra penale, ndërsa i është dorëzuar drejtorisë së Burgjeve për të vuajtur dënimin.
a.ç
