Denis Brajoviç dhe Klaudio Hoxhalliu të arrestuar pak kohë më parë si pjesë e grupit të rrezikshëm “Bajri” të Shkodrës janë liruar nga gjykata.
Sipas vendimit, raporton Balkanweb, Brajoviç ashtu edhe Klaudio Hoxhalliu janë lënë nën masën “arrest shtëpie”.
Gjykata ka dalë në konkluzionin se për ta nuk provohet akuza për ‘Përkrahje të autorit’ si dhe nuk u provua se kanë qenë të përfshirë në veprimtari kriminale.
Nën emrin “Oazi”, prokuroria bashkë me policinë shkatërruan shtatorin e kaluar grupin e fuqishëm që vepronte në Shkodër dhe jashtë vendit.
Hetimi i nisur pranë Krimeve të Rënda në prill 2018, pak kohë pasi Shkodra ishte tronditur nga një shpërthim me lëndë plasëse me objektiv Lul Kullën, u mbyll me 11 persona të arrestuar.
Përveç të prangosurve si ushtarë, mes të arrestuarve janë edhe Safet Bajri, i konsideruar mes njerëzve kryesorë të bandës dhe i vëllai Ilir Rustemi, gjithashtu me të njëjtin rol.
/a.r
