Gjykata e Tiranës ka vendosur masën e sigurisë “arrest me burg” për dy të rinjtë që u kapën para dy ditësh me armë zjarri të pajisur me silenciator.
Ermal Zalla, 24 vjeç dhe Edmir Albrahimi, 29 vjeç kishin me vete dhe me një celular model i vjetër që përdorej për shpërthime në distancë.
Sipas policisë, të rinjtë kishin qëllim të kryenin një vrasje.
Ata u kapën pasi policia dyshoi tek automjeti i të tyre dhe i bëri shenjë për të ndaluar, por drejtuesi nuk u bind dhe vijoi lëvizjen.
Forcat “Shigjetat” u vunë në ndjekje të automjetit tip “BMW”. Sapo e kuptoi këtë gjë, drejtuesi i automjetit, hodhi nga dritarja e makinës një armë zjarri pistoletë me silenciator, si dhe një aparat celular që përdoret për shpërthime në distancë.
Ata do të gjykohen për veprat penale “Armëmbajtja pa leje”, për të cilën parashikohet dënimi deri në 7 vjet burgim dhe “Mosbindja ndaj urdhrit të punonjësit të policisë së rendit publik”, të kryera në bashkëpunim.
/a.r
