Gjykata e Durrësit ka lënë në burg dy prej të arrestuarve për operacionin e kontrabandës së naftës. Për pronarin e anijes, Elton Qevani pronari si dhe kapitenin Selim Gaba gjykata ka dhënë masën arrest me burg ndërsa detyrim paraqitjeje për Klajdi Kapxhiun dhe Muhamed Rada.
13 të arrestuarit, shumë prej të cilëve të huaj u arrestuan pas një operacioni të përbashkët mes Shqipërisë dhe Guardia di Finanza ku u kapën 62 mijë litra naftë kontrabandë pranë Portit të Durrësit që vinte nga Libia.
Anijet u konstatuan më 12 janar, kur u arrestuan anëtarët e ekuipazhit të ‘Geni’. Shqiptarët e arrestuar janë Elton Qevani, pronar i anijes, Klajdi Kapexhiu kapiten dhe Selim Gaba e Muhamed Rada pjesë ekuipazhit.
10 të huajt janë: Muhamed Fethi, pronar i anijes libaneze nga ku i furnizua anija shqiptare, Ahmed Zantawi, Ahmet Abdurrabu, Said Nwegi, Muhamed Mahmut, Eshref Kahlife, Islam Ashkar, Ali Hadad, dhe Adil Badawi.
/e.d
