Një 47-vjeçar është arrestuar ditën e sotme në Krujë, pasi në banesën e tij është gjetur një armë zjarri.
Policia bën me dije se në kuadër të operacionit të koduar “Room” është arrestuar personi i identifikuar si K. J
Në banesën e 47-vjeçarit, shërbimet e Policisë gjetën të fshehur një armë zjarri pushkë, si dhe 3 krehëra me municion luftarak, të cilat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.
/s.f
