Biznesmeni Orest Sota ka depozituar ankimimin për masën e sigurisë pranë Apelit të Krimeve të Rënda. Pak ditë më parë, gjykata caktoi masën ‘arrest me burg’ për Sotën.
Biznesmeni 25-vjeçar u ndalua nga policia në oborrin e kompanisë Kurum, ku në makinën e tij ju gjetën 863 mijë euro dhe dy pasaporta të ish-ministrit Saimir Tahiri. Ankimimi u depozitua ditën e sotme nga avokati i Sotës, Fatmir Braka.
Ndërkohë, Prokuroria e Krimeve të Rënda është duke bërë hetim pasuror ndaj Sotës. Në gjyq, gjatë caktimit të masës, prokurorët e Krimeve të Rënda, Elisabeta Imeraj dhe Gent Osmani, deklaruan se ka dyshime që paratë e gjetura në makinën e Sotës i përkasin ish-ministrit Tahiri.
a.ç
