Pasi u raportua se kishte rezultuar i infektuar me Covid-19, artisti Robert Budina ka reaguar duke thënë se nuk ka shenja pavarësisht përgjigjes së tamponit.
Ai thotë se kjo është një lojë e Ramës, duke nënvizuar se ndjehet mjaft mirë.
“Jam si kokra e mollës, Rama do ta marrë përgjigjen “dhëmbë për dhëmbë” siç ja kemi dhënë”, tha ndër të tjera ai.
Më herët, bashkëshortja e regjisorit, Sabina Kodra, ka kërkuar nga Instituti i Shëndetit Publik që t’i kryejnë urgjentisht testin e COVID-19.
Sabina Kodra është shprehur e revoltuar pas publikimit të informacionit konfidencial nga ISHP për familjen dhe bashkëshortin e saj, teksa tha se kërkonte që testi i COVID t’i bëhej edhe pjesës tjetër familjes Budina.
“Ju marr në telefon nga familja e Robert Budinës, për te cilin ju keni publikuar lajmin që është me COVID-19. Ju lutem duhet të vini t’i bëni testin mua dhe fëmijëve urgjent”, ka thënë bashkëshortja e Robert Budinës.
/e.rr
