Pas më shumë se 5 orësh kërkime është gjetur trupi i pajetë i 75-vjeçarit, i cili dyshohet se u vetëhodh në lumin Buna.
I moshuari u gjet në rrjedhën e lumit dhe nga këqyrja e trupit nuk u konstatuan shenja dhune. Trupi i pajetë i 75 vjeçarit me iniciale N. Ç. u dërgua në IML, për kryerjen e ekzaminimeve të mëtejshme.
Ishin familjarët e të ndjerit që lajmëruan policinë se 75-vjeçari ishte hedhur në lumë mëngjesin e sotëm (15 gusht).
Njoftimi i policisë:
Në vijim të informacionit paraprak të dhënë mëngjesin e sotëm, sipas të cilit, dyshohej se ishte vetëmbytur në lumin Buna, shtetasi N. Ç., 75 vjeç, ju bëjmë me dije se:
Pas më shumë se 5 orësh kërkime të pandërprera, shërbimet e Komisariatit të Policisë Shkodër gjetën në rrjedhën e lumit Buna, trupin e pajetë të 75-vjeçarit, i cili nga këqyrja, u konstatua pa shenja dhune.
Trupi i pajetë i shtetasit N. Ç. u dërgua në IML, për kryerjen e ekzaminimeve të mëtejshme.
Vijojnë hetimet për të dokumentuar me prova ligjore rrethanat e kësaj ngjarjeje./m.j
