Pasi ishin jo pak por 18 persona ata që u helmuan për shkak të ushqimit, Autoriteti Kombëtar i Ushqimit ka gjobitur restorantin Artigiano në ish bllok.
Në ispektimet e bëra nga AKU ka rezultuar se në restorant ka mangësi në dokumentacionin shoqërues të produkteve ushqimore, duke bërë kështu që restoranti të gjobitet në vlerën e 100 mijë lekëve të reja.
Ndërkohë në deklaratën e saj AKU ka garantuar konsumatorët se asnjë nga restorantet në Tiranë nuk i shpëtojnë kontrolleve të tyre pavarësisht emrit që mund të kenë apo zonën në të cilën ndodhen.
DEKLARATA
Autoriteti i Kontrollit Ushqimor bën me dije se ka kontrolluar edhe më herët restorantin ku u helmuan 10 persona, ndërsa shton se ka marrë 3 herë masa disiplinore me gjobë. Duke shtuar se kanë nën monitorim të vazhdueshëm aktivitetet e restoranteve, AKU-ja sqaron se kontrollin e fundit tek ky restorant e ka bërë në muajin shkurt, ku është vërejtur mangësi në dokumentacionin e produkteve dhe shtë gjobitur.
AKU ju bën me dije se, ky restorant ka qënë në vëmendjen tonë dhe ndaj tij është marrë tri herë masa disiplinore me gjobë. Kontrolli i fundit i ushtruar nga AKU në restorantin në fjalë, është zhvilluar në muajin shkurt të këtij viti. Gjatë këtij inspektimi, inspektorët e AKU kanë konstatuar mangësi në dokumentacionin shoqërues të produkteve ushqimore, pra dokumente që i mungonin sistemit të gjurmueshmërisë. Për këtë arsye, restoranti është gjobitur nga AKU me vlerën e 100 mijë lekëve. AKU iu vë në dispozicion edhe aktin e inspektimit, duke garantuar mediat dhe konsumatorin, se pavarësisht emrit, pavarësisht nëse një subjekt ndodhet në ish-Bllok apo në zonat më periferike, nuk i shpëton vëmendjes dhe kontrollit të AKU-së.
java/ a.k
