Një modele, e cila u gjet e vdekur me një qese në kokë dhe duart e lidhura pas shpine, raportohet se ka kryer vetëvrasje.
Sipas vendimit të gjykatës, Kristina Novytska kopjoi skenën e një filmi për ta bërë të duket si vrasje. Këto ishin dyshimet fillestare të hetuesve.
25-vjeçarja u gjet e ulur në një karrige, në një dhomë të mbyllur me gojën e lidhur.
Por hetuesit hodhën poshtë dyshimet se kishim të bënim me një vrasje, duke thënë se modelja inskenoi një skenë nga filmi “The Life Of David Gale” i vitit 2003.
Një personazh në film gjithashtu vret veten duke vendosur një qesë në kokë për të bindur policisë se e ka kanë vrarë.
Modelja ukrainase, e cila gjithashtu punonte si përkthyese, u gjet e vdekur në shtëpinë e saj në Bodrum, Turqi, në janar.
Fqinjët ngritën alarmin pasi nuk e kishin parë prej dy ditësh. Kur pronari banesës shkoi për të kontrolluar, ai hapi derën me ndihmën e bravandreqësi dhe u përball me skenën e tmerrshme.
Pas hetimeve, policia zbuloi se banesa ka qenë e mbyllur dhe ndërsa dritaret kanë qenë me hekur. Gjithashtu vunë re kutinë e prangave pranë trupit të saj.
Më vonë, u zbulua gjithashtu se ajo i kishte porositur prangat në internet katër ditë para vdekjes së saj.
Ndërkohë nëna e modeles deklaroi se Kristina e kishte vuajtur shumë pjesën e izolimit për shkak të pandemisë dhe kishte marrë ilaçe kundër depresionit.
Ndërsa raportohet se nuk ka pasur asnjë provë, që 25-vjeçarja, e cila ishte në një lidhje me një turk, të jetë inkurajuar nga dikush tjetër për të vrarë veten./m.j
