Ministri i Drejtësisë, Ulsi Manja, ka publikuar sot disa raste të abuzimit me pushtetin në institucione të ndryshme. Në një deklaratë për mediat, ministri tha se janë zbuluar tre raste të abuzimit me detyrën në Kadastrën e Durrësit.
Po ashtu në fjalën e tij, Manja tha se është zbuluar dhe një rast në doganën e Korçës, ku një doganier është futur në punë me dokumente të falsifikuara.
“Ka përfunduar hetimi për tre rastet e sotme, por ndërkohë në Kadastrën e Durrësit dhe në zyrat e tjera ka raste që po hetohen. Dy rastet e para kanë të bëjnë me lejen e legalizimit kundër ligjit. Rasti i tretë është më flagrantë, është printuar leja dhe më pas i janë dhënë dokumentet që duhet të shoqëronin këtë lejë. Kjo është merr njëherë lejen dhe dokumentet plotësohen më pas.
Rasti tjetër ka të bëjë me doganën e Korçës, një nëpunës ka arritur që të bëhet pjesë e doganës me dokumente shkollore të falsifikuara, por përveç procedimit të doganierit po hetohet dhe noteri”, u shpreh Manja.
Më tej ka denoncuar dhe bashkitë, të cilat sipas tij japin leje ndërtimi në kundërshtim me ligjin.
/a.r
