Policia e Tiranës , bazuar në pamjet filmike të transmetuara në Emisionin investigativ “Fiks Fare” në TV “Top Chanel” ku dy inspektorë të AKU-së janë filmuar duke marrë ryshfet, ka ndaluar Indrit Korbi, 37 vjeç, me detyrë inspektor në Drejtorinë Rajonale Tiranë të AKU (Autoritetit Kombëtar të Ushqimit”.
Ndalimi i tij u bë për veprën penale të “Korrupsionit pasiv të personave që ushtrojnë funksione publike” të kryer në bashkëpunim, parashikuar nga neni 259 dhe 25 i K.Penal.
Gjithashtu është shpallur në kërkim E.B, 33 vjeç, lindur në Gjilan – Kosovë, me detyrë inspektor në Drejtorinë Rajonale Tiranë të AKU (Autoritetit Kombëtar të Ushqimit)”, për veprën penale të “Korrupsionit pasiv të personave që ushtrojnë funksione publike” të kryer në bashkëpunim, parashikuar nga neni 259 dhe 25 i Kodit Penal.
Nga hetimet e kryera, ka rezultuar se këta dy persona në bashkëpunim me njëri-tjetrin, gjatë ushtrimit të detyrës së tyre si inspektorë në Drejtorinë Rajonale Tiranë të AKU (Autoritetit Kombëtar të Ushqimit”, dyshohen se kanë ushtruar presion për një kohë të gjatë, i kanë kërkuar dhe marrë shumën prej 20.000 lekë të reja një subjekti privat për zhbllokimin e aktivitetit të tij, të bllokuar disa muaj më parë nga AKU – Drejtoria Rajonale Tiranë. /a.m.
