Të tjera detaje kanë dalë në lidhje me vrasjen në Sukth të Durrësit, ku viktimë mbeti 48- vjecari Arben Mërkuri Ismaili. Sipas News24, mësohet se autorët kanë qenë me një automjet tip GLE, ngjyrë gri me targa AB 128.
Viktima kishte pseudonimin Maneci. Me precedent penal dyshohet për krime kundër personit, për vrasje ne pagesë por nuk i ka të dokumentuara. Dyshohet gjithashtu që mund të ketë marrë pjesë në dhunimin e biznesmeit libanez.
“Në qendër të Sukthit, një shtetas ende i paidentifikuar ka qëlluar me armë zjarri automatik, në drejtim të dyqanit të shtetasit Arben Mërkuri (Ismaili), 48 vjeç.
Për pasojë shtetasi Arben Mërkuri u plagos në gjendje të rëndë dhe si pasojë e plagëve të marra ndërroi jetë në spital.
Shërbimet e Policisë kanë rrethuar zonën dhe vijon krehja e saj, për të bërë të mundur kapjen e autorit.
Grupi hetimor, nën drejtimin e Prokurorisë, ndodhet në vendngjarje dhe po punon për fiksimin e çdo prove të vlefshme që do t’i shërbejë hetimit, me qëllim identifikimin dhe kapjen e autorit”, tha policia ne njoftimin paraprak.
g.kosovari
