Një person i ekstraduar nga Franca ka mundur ti shpëtojë ruajtjes policore në aeroportin e Rinasit.
Bëhet fjalë për një person me rrezikshmëri të lartë i dënuar për “vrasjen e një personi mbetur në tentativë”.
Shtetasi Arnold Canameti, u deportua nga autoritetet franceze mbrëmjen e djeshme, por në momentet që i është dorëzuar efektivëve të Komisariatit të Rinasit, ai ka mundur të shpëtojë.
Dyshohet se ai është ndihmuar nga disa punonjës policie për tu arratisur, dhe për çështjen ka nisur hetimet SHÇBA pranë Ministrisë së Brendshme.
Canameti u deportua mbrëmjen e djeshme së bashku me disa persona të tjerë nga Franca.
Ai kërkohej në Shqipëri për akuzën e vrasjes.
