Dy automjete janë përplasur me njëra-tjetrën në unazën e qytetit të Pogradecit pasditen e sotme, dhe për pasojë kanë mbetur të plagosur disa persona.
Sipas mediave informative, dyshohet se njëra nga makinat ka tentuar të parakalojë një triçikel, duke sjellë më pas humbjen e kontrollit dhe përplasjen me automjetin tjetër.
Në vendngjarje ndodhen dy ambulanca për të dhënë ndihmën e nevojshme, por gjendja e personave të dëmtuar nuk dihet akoma.
Makinat janë dëmtuar kryesisht në pjesën e përparme të tyre, ku mësohet se njëra është tip “Benz”.
Sakaq, policia po punon për zbardhjen e plotë të rrethanave të ngjarjes dhe shkaqeve të aksidentit. /e.s/
